Radius: Off
Radius:
km Set radius for geolocation
Search

‘ಹಣ ಬಲದಿಂದ ಅರಳಿದೆ ಕಮಲ’

ಶಿಕಾರಿಪುರ: ಬಿಎಸ್‌ವೈ, ಈಶ್ವರಪ್ಪ ಲೆಕ್ಕವಿಲ್ಲದಷ್ಟು ಹಣ ಹಂಚಿಕೆ ಮಾಡಿದ ಪರಿಣಾಮ ಜಿಲ್ಲೆಯಲ್ಲಿ ಬಿಜೆಪಿ ಇಷ್ಟೊಂದು ಸ್ಥಾನ ಪಡೆಯಲು ಸಾಧ್ಯವಾಗಿದೆ ಎಂದು ಜಿಲ್ಲಾ ಕಾಂಗ್ರೆಸ್‌ ಅಧ್ಯಕ್ಷ ತೀ.ನ.ಶ್ರೀನಿವಾಸ್‌ ಆಪಾದಿಸಿದರು.

ಬುಧವಾರ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿ, ವಿಧಾನಸಭೆ ಚುನಾವಣೆ ಗೆಲ್ಲುವುದಕ್ಕಾಗಿ ಬಿಜೆಪಿ ಹಲವು ವಾಮಮಾರ್ಗ ಬಳಸಿದೆ. ಆದರೂ ಸ್ವತಂತ್ರವಾಗಿ ಅಧಿಕಾರ ಹಿಡಿಯುವಲ್ಲಿ ವಿಫಲವಾಗಿದೆ ಎಂದರು.

ರಾಜ್ಯದಲ್ಲಿ ಬಿಜೆಪಿ ಅಧಿಕಾರ ಹಿಡಿದೇ ತೀರುವುದಾಗಿ ಪ್ರಧಾನಿ ನರೇಂದ್ರ ಮೋದಿ ನೀಡಿರುವ ಹೇಳಿಕೆ ಪ್ರಜಾಪ್ರಭುತ್ವಕ್ಕೆ ಅವಮಾನ ಮಾಡಿದಂತೆ. ಕಳಸವಳ್ಳಿ ಸೇತುವೆ ನಿರ್ಮೀಸುತ್ತೇವೆ, ಈಗಾಗಲೆ ಹಣ ಬಿಡುಗಡೆ ಆಗಿದೆ ಎಂದು ಪ್ರಧಾನಿ ಸುಳ್ಳು ಹೇಳಿ ಜಿಲ್ಲೆಯ ಜನತೆಗೆ ಮೋಸ ಮಾಡಿದ್ದಾರೆ ಎಂದು ಆಪಾದಿಸಿದರು.

ಶಿವಮೊಗ್ಗ ರಾಣೇಬೆನ್ನೂರು ರೈಲ್ವೆ ಯೋಜನೆ ಕಾಮಗಾರಿ ಈಗಾಗಲೇ ಆರಂಭಗೊಂಡಿದೆ ಎಂದು ಪ್ರಧಾನಿ ಹೇಳಿದ್ದಾರೆ. ಆದರೆ ಯಾವುದೇ ಕೆಲಸ ನಡೆದಿಲ್ಲ. ಬಿಜೆಪಿ ಬಹುಮತಕ್ಕೆ ಅಗತ್ಯವಿರುವ ಸ್ಥಾನ ಪಡೆಯದಿದ್ದರೂ ವಾಮಮಾರ್ಗದ ಮೂಲಕ ಅಧಿಕಾರ ಹಿಡಿಯಬೇಕು ಎನ್ನುವುದು, ಆಪರೇಷನ್‌ ಕಮಲ ಮಾಡುವುದು, ಕುದುರೆ ವ್ಯಾಪಾರ ಇದನ್ನು ಈಗಲೂ ನಡೆಸಿದರೆ ರಾಜ್ಯದ ಜನತೆ ತಕ್ಕ ಪಾಠ ಕಲಿಸಲಿದ್ದಾರೆ ಎಂದ ಅವರು, ಜಿಲ್ಲೆಯ ಮತದಾರರು ಕಾಂಗ್ರೆಸ್‌ಗೆ 3.56 ಲಕ್ಷ ಮತ ನೀಡಿದ್ದು, ಅವರಿಗೆ ಹೃತ್ಪೂರ್ವಕ ಧನ್ಯವಾದ ಸಲ್ಲಿಸಿದರು.

ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಗೋಣಿ ಮಾಲತೇಶ್‌ ಮಾತನಾಡಿ, ತಾಲೂಕಿನ 51,583 ಮತದಾರರು ನನಗೆ ಬೆಂಬಲಿಸಿದ್ದಾರೆ. ಅವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ. ತಾಲೂಕಿನ ಯಾರೆ ತಮ್ಮ ಕೆಲಸಕ್ಕೆ ನನ್ನನ್ನು ಸಂಪರ್ಕಿಸಿದಲ್ಲಿ ಅಗತ್ಯ ಸಹಕಾರ ನೀಡುತ್ತೇನೆ. ಕಾರ‍್ಯಕರ್ತರು, ಮುಖಂಡರಿಗೆ ಋುಣಿಯಾಗಿರುವುದಾಗಿ ಹೇಳಿದರು.ಕಪ್ಪನಹಳ್ಳಿ ಬಸವರಾಜಪ್ಪ, ಉಳ್ಳಿ ದರ್ಶನ್‌, ಭಂಡಾರಿ ಮಾಲತೇಶ್‌, ಮಾರವಳ್ಳಿ ಉಮೇಶ್‌, ವಿಜಯಕುಮಾರ್‌, ರಾಘುನಾಯ್ಕ ಮತ್ತಿತರರು ಇದ್ದರು.

ವಿರೋಧ ಪಕ್ಷ ದವರೊಂದಿಗೆ ಶಾಮೀಲಾಗಿರುವುದಾಗಿ ಅಪಪ್ರಚಾರ ಮಾಡುತ್ತಿದ್ದಾರೆ. ಇದು ನಿಜವಲ್ಲ. ಇದಕ್ಕಾಗಿ ನಾನು ಯಾವುದೇ ದೇವಸ್ಥಾನದಲ್ಲಿ ಪ್ರಮಾಣ ಮಾಡುತ್ತೇನೆ. ಕ್ಷೇತ್ರದ ಜನರಿಗೆ ದಾರಿ ತಪ್ಪಿಸುವ ಕೆಲಸ ಮಾಡಿರುವ ಬಿಎಸ್‌ವೈ ನೇರವಾಗಿ ಚುನಾವಣೆ ಎದುರಿಸಿಲ್ಲ . ಹಣ, ಹೆಂಡ ಹಂಚಿಕೆ ಮಾಡುವ ಮೂಲಕ ಚುನಾವಣೆ ನಡೆಸಿದ್ದಾರೆ.

Leave a Reply

Your email address will not be published. Required fields are marked