Radius: Off
Radius:
km Set radius for geolocation
Search

ರಸ್ತೆ ಬದಿಯಲ್ಲಿ ಬಿಪಿಎಲ್‌ ಕಾರ್ಡ್‌ಗಳು

ಶಿವಮೊಗ್ಗ : ನಗರದ ಮಂಜುನಾಥ ಬಡಾವಣೆ ಕೆಎಸ್‌ಆರ್‌ಟಿಸಿ ಡಿಪೊ ರಸ್ತೆ ಬದಿಯಲ್ಲಿ ಮಂಗಳವಾರ ಸಂಜೆ ಒಂದು ಚೀಲ ಬಿಪಿಎಲ್‌ ಕಾರ್ಡ್‌ಗಳು ಪತ್ತೆಯಾಗಿವೆ.

ಲ್ಯಾಮಿನೇಷನ್‌ ಮಾಡಿದ ಪ್ಲಾಸ್ಟಿಕ್‌ಕಾರ್ಡ್‌ಗಳನ್ನು ಚೀಲದ ತುಂಬ ತುಂಬಿ ರಸ್ತೆ ಬದಿಯಲ್ಲಿ ಎಸೆಯಲಾಗಿದೆ. ಕಾರ್ಡ್‌ಗಳು ತರೀಕೆರೆ ತಾಲೂಕಿಗೆ ಸಂಬಂಧಿಸಿದ್ದಾಗಿವೆ. ಕಾರ್ಡ್‌ಗಳನ್ನು ಗಮನಿಸಿದ ಸಾರ್ವಜನಿಕರು ಫೋಟೊ ತೆಗೆದು ವಾಟ್ಸ್ಯಾಪ್‌ ಮಾಡಿದ್ದು ವೈರಲ್‌ ಆಗಿತ್ತು.

ಇದಕ್ಕೆ ಸಂಬಂಧಿಸಿದಂತೆ ಜಿಲ್ಲಾಧಿಕಾರಿಯವರು ಕಾರ್ಡ್‌ಗಳನ್ನು ಸಂಗ್ರಹಿಸಿ ತನಿಖೆ ನಡೆಸುವಂತೆ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ಉಪನಿರ್ದೇಶಕರಿಗೆ ಸೂಚನೆ ನೀಡಿದ್ದರು. ಅಧಿಕಾರಿಗಳು ಕಾರ್ಡ್‌ಗಳನ್ನು ಪರಿಶೀಲನೆಗೆ ಒಳಪಡಿಸಿದಾಗ ಅವುಗಳು ನಾಲ್ಕೈದು ವರ್ಷಗಳ ಹಿಂದೆ ರದ್ದುಗೊಂಡಂತವು. ಅವುಗಳ ಬದಲಿಗೆ ಹೊಸ ಕಾರ್ಡ್‌ಗಳ ವಿತರಣೆಯಾಗಿವೆ. ರದ್ದುಗೊಂಡ ಹಳೇ ಕಾರ್ಡ್‌ಗಳನ್ನು ಚೀಲದಲ್ಲಿ ತುಂಬಿಟ್ಟಿದ್ದು ಇಲಾಖೆಯಲ್ಲಿನ ರದ್ದಿಯನ್ನು ಹರಾಜು ಹಾಕಿದ ಸಂದರ್ಭದಲ್ಲಿ ಅದನ್ನು ಕಳಿಸಲಾಗಿತ್ತು. ಹರಾಜು ಪಡೆದವರೆ ಬಿಸಾಡಿರಬೇಕು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

Leave a Reply

Your email address will not be published. Required fields are marked